Posts

Showing posts from August, 2024

31. ASA ITHYĨ TŨATHIME

ASA ITHYĨ TŨATHIME (Father give us now thy blessing) 1. Asa ithyĩ tũathime,  yu twĩ maũũnĩ maku; Twĩenda kũthi tũkakome,  Ũsũvĩonĩ waku.  2. Mwĩaĩi ũtũsũvĩe,  Vau wendonĩ waku; Ũtukũ na mũthenya,  Mũvaka tũke kwaku.  3. Asa ithyĩ tũathime,  Yu twĩ ũthyũnĩ waku; Twĩenda kũthi tũkakome Tũsũvĩe twĩ maku.   4. Asa ithyĩ tũathime,  Ũtukũ nĩ mũasa,  Tũsũvĩane na mĩisyo.  Kũvika kĩamũkonĩ.  (Amen)

32. MUMO WA MŨTŨTANGĨĨI

MUMO WA MŨTŨTANGĨĨI (May the grace of Christ our Saviour) 1. Mumo wa Mũtũtangĩĩi,  Wendo wa Asa mũseo; Mũamba wa Mũtũtetheesya,  Wũke kwitũ ithyonthe.  Nĩtwendane o ta ũu,  Ithyonthe na Ngai; Ũtanu witũ mũnene,  Nĩ ũtanu wa ĩtunĩ.  2. Mumo wa Mũtũtangĩĩi,  Wendo wa Asa Ngai Asa; Mũamba wa Veva Mũtheu,  Syĩkalae naĩtũ ithyonthe.  3. Ngai Asa lũlũmĩlya; Wendo waku kwitũ; Tũlũmye kwendana,  Kwa atheu onthe.  (Amen)

33. MŨTHENYA NĨWATHELA

MŨTHENYA NĨWATHELA (All the way the Saviour leads me) 1. Mũthenya nĩwathela,  Nĩthi nyĩe kũkoma yu; Asa ũkĩnzũvĩa,  Ũnĩ nĩw'o ngaamũka.  2. Ũla ũndũ mbĩtisye,  Asa mwendwa ndekee w'o; Kwondũ wa Mwana waku,  Ũla ũtwendete ũu.  3. N'andũ mwaka sũvĩa,  Asa ũu ngũmetĩsya; Ĩkalaa kwa andũ onthe,  Naw'o ũnĩ maamũkye.  4. O na andũ makĩwaa,  N'onthe mena kĩthikii; Asa manyamaũkye,  Ũnĩ tũkũtaĩe.  (Amen)

34. KYENI KYA NGOO YAKWA

KYENI KYA NGOO YAKWA (Sun of my soul) 1. Kyeni kya ngoo yakwa yu nĩ Yesũ,  Vati kĩvindu ngoonĩ yakwa yu.  Ngai ndethya kũkwendeasya Nĩtie naĩ syakwa syonthe vyũ.   2. Mũthenya w'onthe kwavika wĩoo,  Ngĩthi kũkoma nenga ũathimo; Ndĩkakĩe kĩvindunĩ,  Ngĩmanya vyũ wĩvamwe nakwa.  3. O yĩla wĩmbĩta, nenga kw'ĩw'a,  Nakũtaanĩsya na nzika syakwa; Nakwĩnengane na ũtanu,  Nĩkũthũkũme nesa kũũ nthĩ.  4. Endany'a nakwa mĩthenya yonthe,  Ũkĩndongoesya nzĩanĩ; Ũmbũĩvye kũvikĩla Wasya waku, na kũtana ngoo.  5. Ĩkalaa nakwa yĩla nĩ thayũ; Kĩkw'ũ kyathengeea nenga mũuo,  Ndĩkakĩe kũinga ũsĩ Na kwĩnũka ĩtunĩ kwaku.  (Amen)

35. MWAKA ŨYŨ

MWAKA ŨYŨ (This year) 1. Mwaka ũyũ Mũtangĩĩi wakwa,  Nĩngwenda nyie nĩthĩwe waku vyũ; Meko na mosũanĩo makwa monthe,  Nĩke kwenda kwaku we Mũtangĩĩi 2. Mbosa nĩthĩwe waku Mwĩaĩi,  Nĩ ngwĩnengane kwaku mwaka ũũ; Kwa moseo na mothũkũ onthe,  Nĩke kwenda kwaku Mwĩaĩi wakwa.  3. Thayũ wakwa yu nĩnakũnenga,  Wĩthĩwe mokonĩ maku Yesũ; Meko makwa methwe ma ũtanu,  Myũnthĩ yonthe nĩke kwenda kwaku.  4. Kwenda kwaka kwĩthwe kwenda kwaku,  Ndenaku nditonya kwĩtongoesya; Nĩ mokonĩ maku Mwĩaĩi wakwa,  Myũnthĩ yonthe nĩke kwenda kwaku.  5. Nenga vinya wa veva Mũtheu,  Nĩthi nĩtavanye ndeto yaku; Nzeo na ya w'o ya ũtangĩĩo Methwe na thayũ ũtathela.  (Amen)

36. MOKONĨ MA MWĨAĨI

MOKONĨ MA MWĨAĨI (My times are in thy hand) 1. Mokonĩ ma Mwĩaĩi.  Ve mĩthenya yakwa,  We mwene nĩwe ũtethyo; Wakwa mũlũmu vyũ.  2. Mokonĩ ma Mwĩaĩi Ũla wĩmbũkĩa,  Moathimo na mathĩna; Kũtheka na kũmaka.  3. Mokonĩ ma Mwĩaĩi,  Ndĩkĩa mathĩna; Kwoko kwa Asa kwĩ vinya,  Kũtĩkaanyivĩa 4. Mokonĩ ma Mwĩaĩi,  Ũla we wambiwe; Na nowe ũla wangw'ĩĩe,  Nĩwe ũnzũvĩaa.  (Amen)

37. NĨ MYAKA MĨVŨTHŨ

NĨ MYAKA MĨVŨTHŨ (A few more years shall roll) 1. Nĩ myaka mĩvũthũ,  Ou ĩvĩtĩte Atasyokete Mwĩaĩi Tũkavĩta ũu.  Nĩyũmbanĩtye vyũ ũnthambye Naĩ syakwa,  Mũthenya ũsu ũmbose,  Ame Mwĩaĩi wakwa.  2. Syua nayo yĩna Mĩthenya mĩvũthũ; Nĩtũkathi kũla nĩkwo,  3. Ta ũu nĩ mĩvũthũ,  Mĩthenya ya thĩna; Vati thĩna ũkoneka,  Twavika ĩtunĩ.  4. Mĩthenya mĩvũthũ,  Ĩla ya ũtaanĩsya; Mokĩlany'o na methoi,  Maikoneka kw'o.   5. Syumwa o nini vyũ,  Tũkatana mũno,  Na ĩndĩ syũmwa nyingĩ vyũ,  Vamwe na Mwĩaĩi.  6. Vatiele vanini,  Asyoke kũũ ĩngĩ Ũla we watũkw'ĩĩe,  Nanĩtũkamwona.  (Amen)

38. NDONGOESYA WE YEOVA

NDONGOESYA WE YEOVA (Guide me o great Jehovah) 1. Ndongoesya we Yeova,  Mũnene kwĩ Ngai syonthe; Nĩ mũnini ndĩ na vinya Na ũmanyi ndĩ naw'o,  Nĩ kyalonĩ kya weũnĩ wa kũũ nthĩ.  2. Tene nĩwatongoesye,  Andũ maku weũnĩ; Manengiwe lĩu na manzĩ,  O na matyaatwĩkĩwa,  Nakwa tamo mbĩanĩsya vata.  3. Andũ ma nthĩ nĩmangangaa,  Ta malondũ ala mau,  Nũndũ mati na mũĩthi,  Wĩsĩ kũmasũvĩa,  Wĩ mũĩthi ũla mũseo mũno.  4. Thayũ wakwa w'onthe kũũ nthĩ,  Ũnzũvĩae Yesũ,  Nĩwakw'ie kwondũ wakwa; Na nĩwĩsĩ nzĩa vyũ,  Mbikya kwaku nokw'o nĩendete yu.  (Amen)

39. NYIE NĨNĨENDETE KYALO

NYIE NĨNĨENDETE KYALO (My Father knows) 1. Nyie nĩnĩendete kyalo na nzĩa yĩ mĩisyo; Yĩ itundumo syĩ w'ia, ĩndĩ ndĩkĩaa.  Kĩvindu kĩkambũkĩa, monyamao maingĩ; Amaitha makamena; Asa nĩwĩsĩ.  2. Ngĩsũanĩa mavinda, ũndũ wa kaũ ũyũ,  O na nĩ thĩnanĩ mwingĩ nĩ na wĩkwatyo.  Nĩnĩsĩ ngaminũkĩlya, Mũendo wa kũkũ nthĩ ĩno; Ndĩkathĩna ĩngĩ nongi: Asa nĩwĩsĩ.  3. Niwe Mũsũvĩi wakwa, Mwovosya ewe weka; Nũndethasya kĩla ũndũ, nĩlũme kwake.  Nzĩa ndĩkaasava mũno, ngavika na ngĩthũmũa; Kwake kũla kwĩ ũtheu: Asa nĩwĩsĩ.  4. Ngamwona na metho makwa, ũsumbĩnĩ kwa Ngai,  Nakwa nĩngamũthaitha, Mwovosya wakwa,  Ndikambĩla kũnyamaw'a nĩkw'o kwĩ mũuo; Nĩ watho wa Mwĩaĩi Yesũ: Asa nĩwĩsĩ.  (Amen)

40. NDONGOESYA MWĨAĨI YESŨ

NDONGOESYA MWĨAĨI YESŨ (He leadeth me) 1. Ndongoesya Mwĩaĩi Yesũ,  Nakwa nĩngũtana mũno; O kũla wĩenda nĩthi,  Mwĩaĩi wakwa, ndongoesya.  2. Yesũ ndongoesya .  Kw'oko kwaku kũngwatĩte,  Nakwa nĩngũkũvikĩla,  Mwĩaĩi, ndongoesya nyĩe.  3. Na yĩmwe nĩ matatwanĩ,  Na yĩngĩ nĩ ũtanunĩ,  O maũndũ nĩ makoka,  Mwĩaĩi wakwa, ndongoesya.  4. Kwoko kwaku kũngwatĩĩe Amwe nĩmekũnthatĩa,  Nakwa nĩngũmaekea; Mwĩaĩi wakwa, ndongoesya.  5. Namina wĩa kũkũ nthĩ Nĩngũka kwaku ĩtunĩ,  Nakwa nĩngũkũtaĩa vo; Mwĩaĩi wakwa, ndongoesya (Amen)

41. NGAI WA VETHELEMU

NGAI WA VETHELEMU (O God of Bethlehem) 1. Ngai wa Vethelemu,  Ũla wamasũvĩie,  Aasa maitũ ũka, kwitũ,  Ũtũtetheasye.  2. Mavata maitũ onthe,  Me mokonĩ maku,  Nue mũsũvĩi waitũ Nue Ngai wĩ weka.  3. Nzĩa yonthe ya kyalo kĩĩ,  Nue Mũtongosya Tũne lĩu wa kũtwĩana,  Ona kya kwĩvwĩka.  4. Tũvwĩke na nthwau syaku.  Mũvaka tũvike,  Ĩtunĩ kwa Ngai waitũ,  Ũla ũtwendete.  (Amen)

44. KŨVIKA YU

KŨVIKA YU (Thus far the Lord has led) 1. Kũvika yu, Mwĩaĩi Yesũ,  Nũndongoesye ũeni ũũ.  Na kĩla myũnthĩ nũnengae Mĩthĩnzĩo mingĩ mũno,  2. Katĩ wa mbanga na kĩkw'ũ.  Nũnzeseaa na tei waku,  O na nzĩa sya ĩtomo Nĩsyaĩle ũkĩwa vyũ.  3. Ĩvinda ĩngĩ, nĩ mũwau,  Nĩwamboisye mwĩĩ wakwa; O na ngĩthĩnwa ngĩw'a woo Nũmbĩw'ĩthasya ngoo mũyo,  4. Wonzu wakwa wanziĩĩe,  Kwĩka kwenda kwaku kwonthe Ngai ndekea wonzu ũsu,  Ũnenge vinya kwĩka w'o.  5. Ũmũnthĩ ũũ nũndindisye; Mavinda onthe mbĩka ũu,  Kũvika kyalo kĩthele Nũke kwaku ku ĩtunĩ.  (Amen)

45. ĨVINDA NĨYĨŨTHELA

ĨVINDA NĨYĨŨTHELA (The sands of time are sinking) 1. Ĩvinda nĩyĩũthela, ũsumbĩ nũthengee; Nĩngwĩtĩkĩla Yesũ none thayũ waw'o.  Tene naĩ kĩvindunĩ, nayu nĩ kyeninĩ.  Kyeni kĩla kĩnene kĩ kwa ngai ĩũlũ.  2. Yesũ nĩwe kĩthima kya wendo mũnene: Ndanyivĩawa n'ũndũ tene o na tene,  Ĩtunĩ tũkamanya, ũla tũtesĩ yu,  Wendo w'onthe mwĩanĩũ wĩ kwa Ngai ĩũlũ.  3. Maũndũ makwa onthe masũvĩwe niwe,  Wambetee mothũku moseo wandetee.  Nĩngũmũtaĩa Yesũ ũla ũmbĩkie ũu; Ngamũnenevya nesa navika ĩũlũ.  4. Kaũ nĩ mũkwatye kwakwa, ngĩendeea na mbee,  Ngekala nĩ mũeni katĩ wa al'alei Mbeange ve ũtheu, mũuo, na ũtanu,  Mũamba na thayũ mwingĩ, ĩtunĩ kwa Ngai.  (Amen) 

46. TWĨNA ŨTANU

TWĨNA ŨTANU (We are very glad) 1. Twĩna ũtanu mũnene mũno,  Nũndũ wa kwona mũthenya ũũ; Ũla Ngai ũtwĩw'ĩe tei,  Twĩthwe na thayũ mwaka ũũ mweũ 2. Nĩtũũkũtaĩa ame Yeova,  Nũndũ wa kwona mwaka mweũ; Ũla aingĩ makaatangĩĩwa,  Na nthakame ya Mwĩaĩi.  3. Nĩtũũkũtũngĩa mũvea Ngai,  Nũndũ wa Yesũ Mwovosya waitũ; Anenganiwe nthembo kwitũ,  Atũtangĩĩe kũma naĩnĩ.  4. Ũtũathime ithyĩ ithyonthe,  Syana nini na andũ anene.  Ĩkanisanĩ na nthĩ yonthe; Ũtũne kwĩthwa na moathimo.  (Amen)

47. MĨTHENYA YAKWA NGAI

MĨTHENYA YAKWA NGAI (My times are in thy hand) 1. Mĩthenya yakwa Ngai,  Yĩ mokonĩ maku; Syĩndũ syonthe o na thayũ,  Nĩnakũnenga we.  2. Mĩthenya yakwa Ngai,  Kwĩ matatwa kwakwa,  Mathũku o na maseo,  Onthe we nũmonaa.  3. Mĩthenya yakwa Ngai,  Ndina w'ia na nzika; Kwoko kwa Ngai nĩkũngwete,  Kũtitonya kundekya.  4. Mĩthenya yakwa Ngai,  Yesũ nĩwambiwe,  Moko make makua naĩ Yũ nĩwe Mũtangĩĩi.  5. Mĩthenya yakwa Ngai,  Ngakũnenevasya; Nakwa ngooka nĩkale,  Ũsumbĩnĩ waku.  6. Mwaka ũyũ ndethya,  Ndĩkethĩwe na wonzu; Nĩkĩlye naĩ syonthe vinya,  Ngũnenevye we Ngai.  (Amen)

48. ŨVOO ŨŨ NĨ WA KŨĨKĨĨWA

 ŨVOO ŨŨ NĨ WA KŨĨKĨĨWA (Yesterday, today forever) 1. Ũvoo ũũ nĩ wa kũĩkĩĩwa na kũtũtany'a ngoo,  Ĩoo ũmũnthĩ o na tene Yesũ no ũndũ ũmwe; Nũkwenda kũtũtethya ithyĩ yĩla twĩna thĩna,  Na kũtũtangĩĩa andũ athe nakathwe mũno.  Ĩoo ũmũnthĩ tene na tene,  Yesũ no ũndũ ũmwe: Syĩndũ sya nthĩ nialyũkaa,  Ĩndĩ Yesũ ndaalyũkaa,  Nakathwe mũno, nakathwe mũno,  Syĩndũ sya nthĩ nĩalyũkaa,  Yesũ ndalyũkaa.  2. Ũmũnthĩ Nĩtũkũmatavya ala maĩte,  Moke kwake kũmwĩkaĩla maekewe naĩ; Mamũvikĩle myũnthĩ yonthe na kũmũtaĩa; Yesũ Klĩsto nĩ Mũtũtangĩĩi mũseo mũno.  3. Nĩwakinyĩle ũkanganĩ wĩ itulumo,  Nayu nũtonya kũtũvoovya itulumo sya ngoo; Nũkũtũkiakĩsya na ndeto syake syĩ mũyo,  Ekalaa na andũ make ndakatũtia.  4. Mĩtũkĩ akasyoka na kũtwĩsĩa ĩthyĩ,  Tũkatana mũthenya ũsũ tũkamwona Yesũ; Tũkatia nthĩ ĩno nthũku tũkekalae nake,  Tũkamũtaĩa Yesũ Klĩsto tene na tene.  (Amen)

49. MŨTHENYA ŨMWE

MŨTHENYA ŨMWE (One day when heaven) 1. Mũthenya ũmwe Yesũ nĩwokie,  Asyawa kũũ nthĩ, e kaũkenge; Ooka nĩ kana atwovosye ithyĩ,  Tũtw'ike make twĩkalae nake.  Nĩwatũkw'ĩĩe kwondũ wa wendo,  Nĩwathikiwe atũvetee naĩ,  Nĩwathayũkĩw'e tũnengwe thayũ,  Na akasyoka esĩe make.  2. Mũthenya ũngĩ Yesũ nĩwambiwe Naĩ sitũ syonthe ĩekewe vyũ; Nĩwathĩniw'e, ate na kawathe,  Nĩkana ithyĩ tũnengwe thayũ.  3. Ĩndĩ ndaatonya kwĩkalw'a nĩ kĩkw'ũ,  Nĩkyakĩlilw'e vĩnya nĩwe vyũ,  Na athayũka ambata ĩtunĩ; Vinya na ndaĩa nĩ syake oyu.  4. Yu nĩtweteele mũthenya mũnene,  Yĩla Mwĩaĩi wĩsyoka kũũ nthĩ,  Esĩe make makekalae nake; Mwĩaĩi Yesũ, nĩ Mũtũtangĩĩi.  (Amen)

50. NĨWŨKĨTE ĨNGĨ, YESŨ KLĨSTO

NĨWŨKĨTE ĨNGĨ, YESŨ KLĨSTO (There will be no dark valleys) 1. Nĩwũkĩte ĩngĩ, Yesũ Klĩsto,  Atũtwae ĩũlũ mũsyĩ kwitũ; Nyie ndĩketh'wa n'ala metiwa kũũ" Ngatwawa, atwĩsĩa Kũũ.  Ũu nĩw'o akooka ĩngĩ kũũ Atũtwae mũsyĩ kwitũ; Tũkamanya ũla watwendaa vyũ,  O yĩla wĩũka kũũ.  2. Ĩĩ, ngamwona nesa na metho aa,  Ngeloela vala watonyiwe.  Na ngamanya ũla wandangĩĩe,  O yĩla wĩũka kũũ.  3. Nĩngũthangaa mũno kwonany'a w'o Nĩngũkua thĩna na ũtanũ,  Nĩngũmina nesa kyalo kyakwa Mũvaka asyoka kũũ.  4. Andũ athe, nata, asyoka kũũ,  Mwĩsilĩlwa nũndũ wa kwaa matũ? Mũkatuvwa ũndũ wa ũthũku,  Mũiekwa, ooka kũũ.  (Amen)

51. NŨŨ WAUMIE ĨŨLŨ?

NŨŨ WAUMIE ĨŨLŨ? (Who came down from heaven?) 1. Nũũ waumie ĩũlũ? Nĩ Mwovosya waitũ; Nĩwatiie ũsumbĩ, Yesũ Mũtangĩĩi.  Twineĩ, andũ ma Yesũ,  Tũmũkathei ithyonthe; E na wendo mũnene,  Yesũ Mũtangĩĩi.   2. Ũla Ngai watũthembee nĩ Mwovosya waitũ,  Akw'ie nũndũ wakwa, Yesũ Mũtangĩĩi.  3. Twĩekewa wathe nũũ? Nĩ Mwovosya waitũ,  Ũla wathembiwe nũũ? Yesũ Mũtangĩĩi.  4. Ũl' ũkoka kũkũ nthĩ nĩ Mwovosya waitũ,  Atũvikye ĩtunĩ, Yesũ Mũtangĩĩi.  (Amen)

52. YESŨ WE NŨVŨTHĨTW'E

YESŨ WE NŨVŨTHĨTW'E (Our Lord is now rejected) 1. Yesũ we nũvũthĩtw’e, na nthĩ ndĩũmwenda,  Alei nĩmo aingĩ, no amwe mamwosaa,  Ĩndĩ twatiĩwe watho, saa waw’o nũthengee,  Ũla mũthenya tũkonana nake.  Ĩĩ, mũthenya wa ũkĩlyo nĩtũweteelaa w'o Yĩla Yesũ ũkaalũka na ndaĩa na vinya; Woni ũsu ũkavuũkya ngoo sy’ala mamwendaa Mũthenya wa mũtwai waitũ wavika .  2. Ovosye makatisa mavw'ĩkĩtwe n'ũtheu,  Ĩndĩ kũmavĩtũka nĩ Yesũ, mwene thaũ.  Ũtheu wa Yesũ nũkasaanĩsya onthe,  Mũthenya wa kũmumĩlĩla Yesũ,  3. Mathĩna makathela, wathe wa ngoo na mwĩĩ Ĩtina, woo na ũkya; mbee, no mũyo mũthei.  Tũkekalaa na Yesũ ũla watũkw’ĩĩe,  Nũndũ akatũtwaa ĩũlũ ku kwake.  4. Ala mũmũsyaĩĩsye, kalaatai kyathĩ kyu,  Na mwendeeasyei Yesũ nzĩanĩ yake vyũ; Mũimantha ala matesĩ Mũtangĩĩi Kenda makathaũwa vamwe naitũ.   (Amen)

53. YESŨ OOKA E WE MWENE

YESŨ OOKA E WE MWENE (When He cometh) 1. Yesũ ooka, e we mwene,  Kũmombanya make,  Andũ ala metĩkĩlaa Matwawe ĩũlũ.  Makatisa ta ndata Sya kũya ĩtunĩ; Makathea ta ĩa N'ũtheu wake.  2. Akavatha, akanyuva,  Akesĩa make: Onthe ala mamwendeesyaa Mekalae kwake.  3. Etĩkĩli, etĩkĩli,  Nĩmo endwa make; Akamwĩta kĩla mũndũ Na syĩtwa yake.  (Amen)

54. YESŨ KLISTO, MŨTANGĨĨI

YESŨ KLISTO, MŨTANGĨĨI (Face to face) 1. Yesũ Klĩsto, Mũtangĩĩi,  Ũla watũkw'ĩĩe,  Nĩ Mũsumbĩ na Mũnene,  Kũvĩtũka onthe mbee.  Ũthyũ wake tũkamwona,  O twenene nesa vyũ,  Yesũ, Mwĩaĩi waitũ,  Ũla tũtamwona yu.   2. Maandĩko onthe ma tene Mamũkũsĩĩa mũno,  Monanasya kũkw'a kwake Na kũthayũka ĩngĩ.  3. Yu tũtitonya kũmwona,  E kwa ĩthe wake Ngai: Nũtũvoyeaa ĩtunĩ,  Twĩkalae ũvoonĩ vyũ 4. Ĩndĩ akooka kũũ ĩngĩ Esĩe ala make,  Na ũtanũ wa kũmwona Ũkeeth'wa mũnene mbee.  (Amen)

55. NOKWĨTHĨWA MASANGYA

NOKWĨTHĨWA MASANGYA (Christ returneth) 1. Nokwĩth'wa masangya, Yesũ akasyoka Kana katambanga, kana ĩ ya wĩoo,  Kana kĩvindunĩ ky'ũtukũ o katĩ,  Tũkakyona i kyeni kĩtheu Ame Yesũ, ũka yu Na kwĩsĩa maku: Tũkatana na ũtanu Tũtawĩsĩ oyu; Ĩĩ ũtanu mwingĩ 2. Yĩla waĩ kũũ avũthiw'e nĩ andũ Alewa na ambwa ngelany'onĩ nthũku; Ũndũ ũsu wonthe Yesũ nĩwekie Atwovosye, andũ athe vyũ.  3. Na yu kwa ngai na nĩweteele kyathĩ Kya kũka esĩe ala mamwosete Akasyoka kũũ na ũtheu mũtisu Asumbĩke na vinya wonthe 4. Ũtanũ mũnene tũkeethĩwaa naw'o,  Twakomana nake, Mũsumbĩ waitũ,  Na, ĩĩ, mũno mbee, Tũalyũlwa tũtaakw'a Andũ onthe ma Yesũ Klĩsto (Amen)

57. NA ŨSU NĨWE WŨKĨTE

 NA ŨSU NĨWE WŨKĨTE (Lo, He comes with clouds descending) 1. Na ũsu nĩwe wũkĩte ũla watũkw'ĩĩe,  Aingĩ ala atangĩĩe nĩmeũmũtanĩa,  Aleluya-Aleluya Yesũ atũsyokea.  2. Ithyonthe nĩtũkamwona e kĩvĩlanĩ kyake,  O na ala mamũtonyie makĩmwamba mũtĩnĩ; No kĩĩo, no kĩĩo, maimwona ũsumbĩnĩ.  3. Movano ma kĩkw'ũ kyake o nayu eo namo,  Nao aĩkĩĩi make nĩmendeaw'a nĩmo; Nĩwosie, nĩwosie, kwitũ movano asu.  4. Wovosyo ũla waĩle yu nũkwonekana,  Nao ala atheu make mekomana ĩtunĩ; Kũmũthaũwa, kũmũthaũwa nĩ mũthenya mũnene 5. Onthe nĩmeũkũthaitha kĩvĩlanĩ kya ũnene,  Nũe Mwene vĩnya w'onthe osa wĩaĩi waku; Mwĩaĩi ũka, Mwĩaĩi ũka ĩthyĩ andũ maku.  (Amen)

58. MAVINDA NĨMEŨVĨTA

 MAVINDA NĨMEŨVĨTA (When the king comes) 1. Mavĩnda nĩmeũvĩta mwaka wĩvĩta mwaka Na mĩthenya nĩyũkĩte kwĩtuka na kũikya; Andũ nĩmeũkũlany'a yu we wĩeteela kyaũ? Mwĩaĩi nĩwĩkalĩte we nũkoka kũũ ĩngĩ? Kũkatw'ĩka ata akyũka,  Kũkatw'ĩka ata akyũka,  Akyũka we Mũsumbĩ,  Kũkatw'ĩka ata akyũka.   2. Akyũka we mwene ĩngĩ nĩ ũtanu wa nthĩ yonthe,  Yesũ Klĩsto nĩ Mwĩaĩi wa syũmbe syonthe,  Umai ala mũkomete seũvyai taa syenyu; Na ala mũte na mauta sila mũnene wĩvo.  3. Nĩ mũthenya wa wovosyo mathĩna nĩ mathelu,  Na vatĩ na methoi ĩngĩ nĩ ũtanu mwĩanĩu; Mwinĩei nĩwũkĩte, asumbĩke Mwĩaĩi Yesũ Kũkethĩwa ata akyũka Mwĩaĩi Yesũ Mũtangĩĩi 4. Ana-Asa nĩmwĩyũmbany'e kũkilyĩ kũkya mĩtũkĩ,  Mwĩaĩi e vakũvĩ oke, na nguthu ya alaĩka; Ithyĩ nĩtũkamũmanya, kĩla metho nĩmakamwona; No kavinda kanini, oke Mwĩaĩi Mũsumbĩ.  (Amen)